Institutda talabalar o‘rtasida o‘tkazilayotgan ma’naviy-ma’rifiy tadbirlar O‘zbekiston Respublikasi Prezidentining 2017 yil 28 iyuldagi “Ma’naviy – ma’rifiy ishlar samaradorligini oshirish va sohani yangi bosqichga ko‘tarish to‘g‘risida”gi PQ – 3160 sonli qarori asosida olib borilmoqda. Mazkur qaror ijrosini amalga oshirish bo‘yicha institut rektorining 2017 yil 5 avgustdagi 456-sonli buyrug‘i va tadbirlar rejasi ishlab chiqilgan.

“Ma’naviy – ma’rifiy ishlar samaradorligini oshirish va sohani yangi bosqichga ko‘tarish to‘g‘risida”gi qarorda aholining keng qatlamlari, avvalambor yoshlar o‘rtasida Vatanga muhabbat va sadoqat,  insonparvarlik fazilatlarini tarbiyalash, milliy urf - odat, an’ana va qadriyatlarning hayotimizdagi o‘rni va ahamiyatini har tomonlama ochib berishga yo‘naltirilgan suhbat va uchrashuvlar, ma’naviy-ma’rifiy tadbirlar o‘tkazish, yoshlarga bugungi kunda amalga oshirilayotgan davlat siyosatining ustuvor yo‘nalishlari, keng ko‘lamli islohotlarning mohiyati, qabul qilingan qonun hujjatlari va davlat dasturlarining ahamiyatini atroflicha sharxlash va tushuntirish,  yurtimizga qarshi qaratilgan g‘oyaviy va informatsion xurujlar, ularning ortida turgan kuchlarning  g‘arazli maqsadlarini fosh qilish,  odamlarni xushyorlik va ogohlikka da’vat etish hamda  boshqa ko‘pgina vazifalar belgilangan.

Bugungi kunda ma’naviy - axloqiy jihatdan yetuk va sog‘lom dunyoqarashga ega bo‘lgan insoniy fazilatlarni ro‘yobga chiqara oladigan ma’naviy barkamol shaxsni tarbiyalash asosiy ustuvor vazifa hisoblanadi. Shu jihatdan olganda institutda ma’naviy – ma’rifiy ishlar bugungi kun talablari darajasida olib borilmoqda.

Institutda 2018-2019 o‘quv yilida amalga oshiriladigan ma’naviy-ma’rifiy ishlar rejasi ishlab chiqilgan.Ushbu reja asosida har bir fakultetda ish rejalari tuzilgan. Shuningdek, O‘zbekiston Respublikasi Oliy va o‘rta maxsus ta’lim vazirligi, Xalq ta’limi vazirligi, Farg‘ona viloyati va Qo‘qon shahar hokimliklaridan kelayotgan qaror, farmoyish va modemnomalar ijrosini ta’minlash yuzasidan ma’naviy-axloqiy tarbiya ishlari bo‘limi (MATIB) tomonidan ishlab chiqilgan tadbirlar rejasi asosida ish rejalari tuzilib, jadval asosida ijrosi ta’minlanmoqda. Tadbirlar rejasiga binoan o‘tkazilayotgan tadbirlarning bayonnomalari mavjud.

Institutdagi 8 ta fakultet 20 ta ta’lim yo‘nalishining 243 ta akademik guruhlarida ma’naviyat soatlari Oliy va o‘rta maxsus ta’lim vazirligining “Uzluksiz ta’lim tizimida “Axborot guruhi” faoliyatini tashkil etish to‘g‘risida”gi 2005 yil 24 iyundagi ¹ 138, ¹ 159 qo‘shma buyrug‘iga asosan yil davomida “Axborot soatlari” va “Ma’naviyat kunlari” muntazam o‘tkazilishi yo‘lga qo‘yilgan.


Qo`qon davlat pedagogika institutida O`zbekiston Respublikasining davlat mustaqilligining 27 yilligi va “Bilimlar kuni” munosabati bilan “Aziz va yagonamsan jonajon, O`zbekiston!” shiori ostida o`tkazilgan tadbir.


Farg`ona davlat universitetida viloyatoliy o`quv yurtlar o`rtasida o`tkazilgan “Yagonasan, muqaddas Vatan!” respublika ko`rik-tanlovining yakuniy bosqichidamusiqiy ta’lim kafedrasi katta o`qituvchisi E.Qobilovarahbarligidamusiqiy ta’lim yo`nalishi “Xo`qandi Latif” xor jamoasi qatnashib, 1-o`rinni qo`lga kiritdi va esdalik sovg`alari bilan taqdirlandilar. Ushbu jamoa Respublika bosqichida qatnashishi uchun yo`llanma oldilar.




Institut faollar zalida huquq – tartibot idoralari xodimlari xamkorligida “Yoshlar o`rtasida narkotik moddalarni tarqalishini oldini olish va unga qarshi kurashish” mavzusida uchrashuv o`tkazildi. Uchrashuvda O`zbekiston Respublikasi Vazirlar Maxkamasi xuzuridagi Narkotik moddalarni nazorat qilish milliy markazi xodimi S.Jabborov, “Ma’naviyat va ma’rifat” va iqtidorli yoshlar bilan ishlash bo`limi boshlig`i F.Ibragimov, Qo`qon shahar “Nuroniy” jamg`armasi raisining o`rinbosari A.Pirmatov, Narkologiya dispanseri bosh shifokori A.Sharipov, “G`ishtli masjid” imom-xatibi, profilaktika inspektori T.Boymatov, Yoshlar Ittifoqi shahar Kengashi raisi O.Rasulov, professor-o`qituvchilar va 100 nafar talabalar ishtirok etishdi.

Mamlakatimiz Konstitusiyasi qabul qilinganining 26 yilligiga bag`ishlangan “Baxtimiz – Qomusimiz” nomli adabiy-musiqiy bayram tadbiri O`zbekiston Respublikasi madhiyasi bilan boshlandi. Shundan so`ng tadbirni ochib berish uchun so`z institut rektori Eminov Azizjon G`ulomjonovichga berildi. Institut rektori jamoani ushbu ayyom bilan tabriklar ekan, mamlakatimizda, qolaversa institutimizda isloxotlar va o`zgarishlar Konstitusiyamiz asosida amalga oshirilayotganligini ta’kidlab o`tdi.



Faol tadbirkorlik, innovasion g`oyalar va texnologiyalarni qo`llab-quvvatlash yilida amalga oshirilayotgan keng ko`lamli ishlar Konstitusiyamizning asosiy tamoyillarini ro`yobga chiqarishdagi yana bir qadam sifatida baholab, institutda yil davomida qilingan ishlar, erishilgan yutuqlar sarxisob qilindi.

Shundan so`ng O`zbekiston Respublikasi bakalavriatlar uchun ta’sis etilgan Davlat stipendiyalari g`oliblari bo`lgan 4 nafar talabalarga institut rektor tomonidan guvohnomalar topshirildi.Bayram tadbirida O`zbek tili va adabiyoti fakulteti talabalarining she’rlari, Tarix fakulteti talabalarining chiqishlari, “Tarona” raqs ansambli va “Oxang navo” ansamblari chiqishlari bilan jamoaga ko`tarinki yanada kayfiyat bag`ishladi.

O‘zbekiston Respublikasi Oliy va o‘rta maxsus ta’lim vazirining 2018 yil 15 dekabrdagi “O‘zbekiston Respublikasi Prezidentining 2018 yil 13 dekabrdagi 5413-F-sonli farmoyishi ijrosi to‘g‘risida”gi 1023-sonli buyrug‘i asosida institut rektorining 2018 yil 20 dekabrdagi 755-sonli buyrug‘i chiqarilgan. Ushbu buyruqqa asosan “Vatan himoyachilari kuni” bayramiga tayyorgarlik ko‘rish va uni o‘tkazish bo‘yicha institut chora-tadbirlar rejasi ishlab chiqildi. Reja asosida institutda bayram “Vatan – muqaddas, uni himoya qilish sharafli burch!” degan umumiy g‘oya ostida o‘tkazilmoqda. Tadbirlar rejasiga muvofiq  fakultetlarda xarbiy xizmatchilar, veteranlar ishtirokida “Mardlik va jasorat” darslari,  ikkinchi jahon urushi qatnashchilari, harbiy xizmatchilar, veteranlar ishtirokida “Milliy armiyamiz – yoshlarimiz qalbida sadoqat, jasorat, matonat tuyg‘ularini mustahkamlovchi hayot maktabidir”, “Vatanni himoya qilish – sharafli, olijanob va mas’uliyatli burch”, “Armiya – yurtimiz tinchligi va osoyishtaligi ramzi” hamda “Tinchliginga jonim fido – muqaddas Vatan!”, “Milliy armiya bayrami – mening bayramim!” mavzularida davra suhbatlari va uchrashuvlar, davra suhbatlari hamda ma’naviy-ma’rifiy tadbirlar o‘tkazildi.