Hozirgi kunda mazkur yo‘nalishdagi hamkorlik, asosan, “Erazmus +” va “Erazmus Mundus” dasturlari doirasida amalga oshirilmoqda. 

“Erazmus Mundus” dasturi doirasida QDPIda “ModeHED” va “RUECVET” loyihalari  bo‘yicha olib borilayotgan ishlar.

“Erazmus+” dasturi doirasida QDPI hamkor oliy ta’lim muassasasi sifatida “ModeHED” va “RUECVET” loyihalarida faol ishtirok etib kelmoqda. Jumladan “ModeHED” loyihasi a’zolari loyiha asosida ishchi dastur va elektron darslik yaratdilar va hozirda ushbu dastur va darsliklar asosida mashg‘ulotlar olib borilmoqda. Shu bilan birga institutimizda faoliyat olib borayotgan “RUECVET” loyihasi doirasida institutimiz professor o‘qituvchilari Latviyaning Riga shaxrida joylashgan Leapey universiteti xamda Rossiyaning Tver davlat universitetlarida xizmat safarida bo‘ldilar. Jumladan, Qurbonova Muqaddam Axmedovna va Axmadalieva Sabo Murodovna va Najmiddinov Axmad Raxmatovich - Ingliz tili va adabiyoti kafedrasi  o‘qituvchilari  Erasmus+ dasturi doirasidagi “RUECVET: Rossiya va O‘zbekiston milliy kasb-hunar tizimida ECVETni tajriba-sinovidan o‘tkazish” (“RUECVET: Piloting ECVET to the National VET System of Russia and Uzbekistan” (574097-EPP-1-2016-1-CY-EPPKA2-CBHE-JP) loyihasi bo‘yicha Latviyaning Liepaya universiteti va Rossiyaning Tver davlat universitetida o‘tkazilgan navbatdagi seminarlarda ishtirok etishdi. Xizmat safari davomida safardagi barcha ishtirokchilarga topshiriqlar berildi.

Qo`qon davlat pedagogika instituti RUECVET Milliy ta’lim markazi





Loyiha vazifalarini amalga oshirishda Qo`qon davlat pedagogika instituti negizida tashkil qilingan ta’lim markazida malaka oshirish kurslari olib boriladi. Kurslar loyiha doirasida milliy va xorijiy ekspertlar tomonidan yaratilgan malaka oshirish dasturi asosida o`tkaziladi.

«ECVET Yevropa sinov birliklari tizimini kasb-hunar ta’limida qo`llash» kursi

Ta’lim shakli: auditoriya, onlayn

Tinlovchilarga beriladigan hujjat: malaka oshirish sertifikati

Kurs maqsadi: tinglovchi tomonidan tanlangan mutaxassislik misolida Yevropa sinov birliklari tizimini (ECVET) O`zbekiston kasb-hunar ta’limida qo`llash istiqbollari haqida ma’lumot berish va mustahkamlash.

Kurs tavsifi: malaka oshirish dasturi O`zbekistonning kasb-hunar ta’limi tizimiga ECVET kredit tizimini joriy etish uchun uslubiy jihatdan qo`llab-quvvatlashga qaratilgan. Mazkur kurs milliy qonunchilik va ECVETni joriy qilish hamda Yevropa malakalar doirasini qo`llashda oid Yevropa me’yorlari va qoidalarini inobatga olgan holda tuzilgan.

 

Rossiya

O`zbekiston

Daraja (EQF):

6

5-6

Sinov birliklari:(1 sinov birligi = 36 soatga teng)

5

5

Soatlarning umumiy hajmi:

180

180

Auditoriyadagi soatlar:

36

36


Mazkur kurs quyidagi vazifalarni hal etishga yordam beradi:

·         iqtisodiyotning rivojlanish istiqbollari va ustuvor vazifalarini, zamonaviy texnika va texnologik tendensiyalarni hisobga olib ehtiyoj yuqori bo`lgan va turdosh mutaxassisliklar bo`yicha zamonaviy ta’lim texnologiyalarini tatbiq qilgan holda ishlash bo`yicha amaliy ko`nikmalarga ega bo`lgan malakali kadrlarni tayyorlash;

·         kadrlarga bo`lgan real ehtiyojni, ish beruvchi korxonalarning takliflarini hisobga olgan holda iqtisodiyot sohalari va tarmoqlari uchun zarur mutaxassislar tayyorlash sifatini tubdan yaxshilash bo`yicha kasb-hunar kollejlari faoliyatini muvofiqlashtirish;

·         yetakchi mahalliy va xorijiy ta’lim muassasalari bilan har tomonlama hamkorlikni rivojlantirish, zamonaviy innovatsion o`quv loyihalarini birgalikda amalga oshirish uchun kasb-hunar ta’limi sohasiga yuqori malakali xorijiy mutaxassislarni jalb etish, talabalar mobilligini amalga oshirish;

·         kasb-hunar ta’limi milliy standartlari talablarini xalqaro ta’lim standartlari tasniflagichiga, xalqaro malaka talablariga muvofiqlashtirish, milliy malaka talablarini bosqichma-bosqich xalqaro analoglarga moslashtirish va e’tirof etilishiga qaratilgan ishlarni tashkil etish;

·         kasbga o`rgatish bilan bir qatorda tarkibiy jihatdan umumiy ta’lim olishni birgalikda olib boradigan, shuningdek, nodavlat ta’lim sektorini uzluksiz davlat ta’lim tizimi bilan samarali integratsiyalash, tabaqalashtirilgan ta’lim jarayonini tashkil etish bo`yicha orttirilgan amaliy tajribani tizimlashtirish;

·        mamlakat iqtisodiyotini yanada isloh qilish, uni barqaror o`stirish hamda modernizatsiyalash jarayonlarida samarali ishtirok etishga qodir bo`lgan kadrlarni tayyorlash maqsadida o`quv jarayoniga innovatsion g`oyalar, texnologiyalar va ishlanmalarni faol qo`llab kasb-hunar ta’limi va ishlab chiqarishning o`zaro yaqin hamkorligini ta’minlash.

Ta’lim natijalari

(TN)

Mehnat faoliyati

(MF)

TN 1. KHT milliy tizimida  ECVETni qo`llashga oid me’yoriy-huquqiy asoslarni aniqlash

MF 1 — KHT xalqaro tajribasida  ECVET dan foydalanishning tamoyil va yo`nalishlarini tahlil qilish

MF  2 —  ECVET kontekstida KHT ta’limiy dasturlarini ishlab chiqishning me’yoriy-huquqiy asoslarini aniqlash

MF  3 —  ECVET kontekstida aniq tanlangan mutaxassislik va malaka talablariga doir ta’limiy dasturni ishlab chiqish uchun zaruriy hujjatlarni aniqlash

TN 2.  RUECVET metodikasi bo`yicha malakalarning funksional tahlilini amalga oshirish

MF 4 — ish beruvchilar bilan hamkorlikda malaka talablarining funksional tahlilini amalga oshirish uchun ma’lumotlar yig`ishni amalga oshirish

MF 5 — malakalar mazmunini milliy malakalar tizimi bilan moslashtirish

MF 6 — malakalarning funksional xaritasini ishlab chiqish

TN 3.  ECVET kontekstida ta’lim natijalarini aniqlash va baholash

MF 7 — o`tkazilgan malakalar funksional tahlili asosida ta’lim natijalarini aniqlash

MF 8 — Blum taksonomiyasidan foydalangan holda ta’lim natijalari mazmunini qurish

MF 9 —  ECVET tizimiga mos ravishda ta’lim natijalari blokini ishlab chiqish

TN 4.  KHTda talaba va o`qituvchilarning mobilligiga erishishni qo`llab-quvvatlash

MF 10 — talabalar mobilligini tashkil qilish maqsadida sinov birliklarini  dasturning struktur elementlari bo`yicha taqsimlash

MF 11 —  tanlangan malaka/mutaxassislikka KHTda mobillik uchun ECVET mexanizmlarini aniqlash

MF 12 — o`zaro tushunish haqidagi Memorandum (MoU), ta’lim to`g`risida kelushuv va ECVET metodologiyasi doirasida shaxsiy muvaffaqiyat to`g`risidagi hujjatlar namunasini jamlash.


Ta’lim natijalari: kurs yakunida tinglovchilar quyidagilarni amalga oshira oladilar. 

TN 1. KHT milliy tizimida ECVET ni qo`llash bo`yicha me’yoriy-huquqiy asoslarni aniqlash

TN 2. RUECVET metodikasi bo`yicha malakalarning funksional tahlilini amalga oshirish

TN 3. ECVET kontekstida ta’lim natijalarini aniqlash va baholash

TN 4.  KHTda talaba va o`qituvchilarning mobilligiga erishishni qo`llab-quvvatlash

Tinglovchi bo`lish uchun talablar: tinglovchida bakalavr yoki undan yuqori daraja borligi

Maslahat uchun: bizning ekspertlar bilan bog`lanish uchun saytdagi havolani bosing “Ekspertlar”.





Adres: O`zbekiston Respublikasi, Farg`ona viloyati, Qo`qon shahri, Turon ko`chasi 23, Qo`qon davlat pedagogika instituti, Axborot resurslari binosi, 1 qavat, chap tarafda. Erasmus+ va proekt emblemalari bor eshik.

Bizning auditoriya: Ta’lim markazi 2 xonadan iborat va xonalarga simsiz internet o`rnatilgan.

•      Konferensazal – maydoni 40 m2

•      O`quv xonasi – maydoni 20 m2

Konferensazal onlay video/audio konferensiyalar va prezentatsiyalar uchun ajratilgan. Dinamikli videokonferensa aloqa kamerasi, ekranli proektor, prezenter, printerlar, 2 ta mikrofonli akustik tizim, noutbuk va 2 prezentatsiya doskasi kabi kerakli jihozlar bilan jihozlangan. Konferensazalning sig`imi – 35 kishi va unda barcha zarur mabellar mavjud.

O`quv xonasi interfaol mashg`ulotlar uchun mo`jallangan. U interaktiv qurilmalar bilan jihozlangan, unda proektor va 20 ish stansiyasi mavjud. O`quv xonasining sig`imi – 20 kishi va barcha zarur mebellar bilan jihozlangan.