Biologiya o`qitish metodikasi кафедраси

Biologiya o`qitish metodikasi

         1967yilda Namangan shahrida tug`ilgan, millati - o`zbek, XDP a`zosi. Mo`minova Ra`noxon Nabijonovna 1984yil Namangan Davlat pedagogika institutining geografiya-biologiya fakultetiga o`qishga kirib, 1989 yildashu mutaxassislik bo`yicha tamomlagan. Mehnat staji 23 yil.

  R.Mo`minova 2000 yilda Qo`qon Davlat pedagogika institutining geografiya kafedrasida, 2001yildan Umumiy biologiya kafedrasida o`qituvchi, 2011yildan esa katta o`qituvchi lavozimida ishladi. Mazkur vazifada  2012 yildan ishlamoqda.                        

R.Mo`minova «Gidroliz korxonalari biohovuzlarining suvo`tlari va yuksak suv o`simliklari» mavzusi bo`yicha 2011yil may oyida O`zRFA «Botanika» IICHM da nomzodlik dissertasiyasini muvaffaqiyatli himoya qildi.

R.Mo`minova o`z sohasining mutaxassisidir.U «Yosh fiziologiyasi», «Umumiy gigiena», «Ekologiya», «Tabiiy fanlar konsepsiyasi» kabi fanlardan talabalarga ilmiy-nazariy va o`quv-uslubiy jihatdan sifatli darslarni olib boradi.

                R. Mo`minova 2012 yil mayda Toshkent shahrida bolib o`tgan V xalqaro innovasion texnologiyalar yarmarkasida “Gidroliz korxonalari oqova  suvlarini tozalashda suv o`simliklaridan foydalanish” mavzusidagi  innovasion loyihalari bilan qatnashdi.

2012 yil sentabr oyida Respublika innovatsion g`oyalar grantining  “Qishloq xo`jaligi, biotexnologiya, ekologiya va atrof-muhitni muhofaza qilish” nomli dasturidagi “Oqova suvlarni biologik tozalash va ulardan dehqonchilikda foydalanish” mavzusida innovatsion loyiha tayyorladi va Xalq ta`limi vazirligiga taqdim etdi.  Shu loyiha uyzasidan 2012 yil noyabr oyida  O`z PFITI da bo`lib o`tgan loyihalar taqdimotida qatnashdi.

     Har yili turli mavzulardagi loyihalar bilan Andijon, Farg`ona, Q`oqon shaharlaridagi innovasion g`oyalar va loyihalar  ko`rgazmalarda faol qatnashib keladi.


 

 

 «Biologiyao`qitish metodikasi» kafedrasi faoliyati

 

Kafedra 1980 yilda «Umumiy biologiya» nomi bilan tashkil topgan. 1992 yilda institut qoshida yangi kimyo-biologiya mutaxassisligi tashkil qilinib, birinchi marta talabalar qabul qilingan.

1993 yilda umumiy biologiya kafedrasidan kimyo kafedrasi mustaqil kafedra sifatida ajralib chiqqan.

Umumiy biologiya kafedrasiga birinchi kafedra mudiri sifatida b.f.n., dosent E.Toshpo`latov boshchilik qilgan. Keyinchalik b.f.n., katta o`qiituvchi Meliboev S. (1988-1994 yy), b.f.n., kata o`qituvchi Namozov M. (1994-1997 yy) va b.f.n., dosent Xolmuxammedov X. (1997-1998 yy) lar  faoliyat  ko`rsatganlar.

2004 yil 2010 yilga qadar q/x.f.n, dosent  S. Usmonov, 2010-2011 yillarda A. Ma`murov, 2011-2012 yil sentyabr oyiga qadar A. Jabborov kafedraga mudirlik qilgan.

2012 yil sentyabr oyidan boshlab biologiya fanlari nomzodi Ra`noxon Mo`minova  rahbarlik qilmoqda.

Hozirgi kunda kafedrada 5140400 biologiya, 5110400 Biologiya o`qitish metodikasi ta`lim yo`nalishlari bo`yicha bakalavrlar tayyorlanmoqda va ularga 5 ta fan nomzodlari (4 ta dosent), 4ta katta o`qituvchi hamda o`qituvchilar ta`lim-tarbiya berib kelmoqdalar.

Kafedra a`zolari 5 ta yo`nalishda ilmiy-tadqiqot ishlari olib borishadi.  Bular quyidagilar:

- Botanika;

- Zoologiya;

- Fiziologiya;

- Pedagogika;

- Mikrobiologiya;

Umumiy biologiya kafedrasi professor – o`qituvchilari yuqoridagi  5 ta yo`nalish bo`yicha O`zbekiston Respublikasi Fanlar akademiyasining O`simliklar va hayvonlar genofondi instituti, UzMU hamda tayanch oliy o`quv yurti ToshDPU, NamDU, FarDU bilan ilmiy-uslubiy hamkorlik ishlari olib bormoqda.

O`quv yili davomida har  oyda 2-3 marotaba kafedra yig`ilishi o`tkazilib, yig`ilish rejasidagi kun tartibiga ko`ra  ilmiy, ilmiy-uslubiy, ma`naviy–ma`rifiy, tashkiliy-uslubiy sohadagi masalalar muhokama etiladi. Tegishli qarorlar qabul qilinib, ularning ijrosi o`quv yili davomida ta`minlanadi va kafedra mudiri tomonidan nazorat qilinadi. O`zbekiston Respublikasi Prezidenti farmonlari, qarorlari, Vazirlar Mahkamasining qarorlari, Oliy va O`rta maxsus ta`lim hamda Xalq ta`limi Vazirligining buyruq va xay`at qarorlari, Farg`ona viloyati va Qo`qon shahar hokimligining buyruq va ko`rsatmalari ijrosini ta`minlash maqsadida kafedrada navbatdan tashqari yig`ilishlar o`tkaziladi. Ularni o`rganib chiqiladi va ijrosini ta`minlash maqsadida tegishli chora-tadbirlar belgilanadi. Yuqori tashkilotlarning buyruq va ko`rsatmalari ijrosini ta`minlash maqsadida kafedrada monitoring tashkil etilgan bo`lib, tegishli jurnallarga qayd etiladi hamda ijrosi nazoratga olinadi.

 Bakalavrlarning kasbiy faoliyati quyidagi turlaridan iborat:

5110400- Biologiya o`qitish metodikasi ta`lim yo`nalishi bo`yicha bakalavr o`z psixologik-pedagogik, kasbiy tayyorgarligiga muvofiq quyidagi kasbga oid faoliyat turlari:

• o`qituvchilik;

• tarbiyachilik;

• o`quv-metodik;

• ilmiy-tadqiqot.

Bakalavrlar kasbiy faoliyatining vazifalari:

5110400 – Biologiya o`qitish metodikasi  ta`lim yo`nalishi bo`yicha bakalavr ta`lim dasturini o`zlashtirish natijasida kasbiy tayyorgarlikning asosiy turlari va maxsus tayyorgarligiga mos quyidagi kasbiy vazifalarni uechishi kerak:

        o`qituvchilik: umumiy o`rta ta`lim, akademik liseylar va kasb-hunar kollejlarida  biologiya o`qituvchisi bo`lib ishlash;

        tarbiyachilik: umumiy o`rta ta`lim, akademik liseylar va kasb-hunar kollejlaridan tashqari muassasalarda tarbiyachi bo`lib ishlash;

        o`quv-metodik: mos ta`lim yo`nalishlar bo`yicha ta`limni amalga oshiruvchi vazirliklar, uning tarmoq boshqarmalari va muassasalarida metodist bo`lib ishlash;

      ilmiy-tadqiqot: ilmiy-tadqiqot muassasalarida kichik ilmiy xodim bo`lib ishlash va boshqalar.