Kafedralar

Boshlang`ich ta`lim va sport tarbiyaviy ish

Kafedra mudiri

Isakov Zakirjon Soliyevich

Kafedra mudiri


Qabul vaqti: Chorshanba(14:00 16:00 gacha), Dushanba(14:00 16:00 gacha), Juma(14:00 16:00 gacha), Payshanba(14:00 16:00 gacha), Seshanba(14:00 16:00 gacha)
Telefon: +998972102529
Elektron pochta: isakov_zakirjon@mail.ru

        Boshlang`ich ta`lim kafedrasi  institutning tarixida yorqin iz qoldirgan fidoyi ustoz Inomjon Rasulov tomonidan asos solingan: 1962- yili Andijon davlat pedagogika instituti(hozirgi AnDU)dan filologiya fanlari nomzodi Nasimxon Mamatovni taklif etish bilan kafedra tashkillangan. 1977- yilda kafedraga biologiya fanlari nomzodi, dotsent Erkinjon Toshpo`latov mudirlik qilgan. Kafedrada ona tili, ona tili o`qitish metodikasi, mehnat o`qitish metodikasi,  tasviriy san`at o`qitish metodikasi, musiqa o`qitish metodikasi, tabiatshunoslik o`qitish metodikasi fanlari o`qitib kelingan. 1987- yildan mehnat ta`limi va tasviriy san`at fanlari alohida kafedra bo`lib ajralib chiqqach, kafedrada o`zbek tili va musiqa fanlari o`qitila boshlangan. 1988- yildan boshlab filologiya fanlari nomzodi, dotsent Rashidxon Shukurov kafedra mudiri lavozimida ishlay boshlagan. 1990- yildan musiqa fanlari ham alohida kafedra bo`lib ajralib chiqadi. Shu yillarda kafedra BTM fakulteti qoshidagi O`zbek tili kafedrasi deb yuritila boshlandi. 1992- yildan kafedrada rus tili va uni o`qitish metodikasi fanlari o`qitilishi munosabati bilan Filologiya deb nomlandi. Shu yildan kafedraga filologiya fanlari nomzodi Mo`minjon Xalilov mudirlik qila boshladi. 1998- yildan filologiya fanlari nomzodi, dotsent Saminjon To`ychiyev rahbarlik qilgan. 1998- yildan boshlab kafedra yana Boshlang`ich ta`lim metodikasi nomini olgach, ona tili, ona tili o`qitish metodikasi, matematika, matematika o`qitish metodikasi, mehnat o`qitish metodikasi,  tasviriy san`at o`qitish metodikasi fanlari o`qitila boshlandi. 1999/2000- o`quv yilida matematika siklidagi fanlar ajralib chiqdi, kafedra 2001/2002- o`quv yilidan boshlab MT va BTM nomini oladi. 2002- yildan kafedra yana Boshlang`ich ta`lim metodikasi nomi bilan atala boshlandi. 2005- yil dekabr oyidan kafedraga filologiya fanlari nomzodi Zokirjon Isaqov, 2012- yil yanvar oyidan filologiya fanlari nomzodi Dilnozaxon Jamoliddinova mudirlik qildi. Hozirda kafedrani Z.Isaqov (vazifa bajaruvchi) boshqarmoqda.

       Hozirda kafedrada 12 nafar: 4 nafar dotsent, 6 nafar katta o`qituvchi va 2 nafar o`qituvchi asosiy shtatda; 6 nafar (2 nafar dotsent, 2 nafar katta o`qituvchi va 2 nafar o`qituvchi) o`rindoshlik asosida mehnat qilmoqda,kafedraning ilmiy salohiyati:35,7 %.

2010- yil kafedra negizida Boshlang`ich ta`lim magistratura mutaxassisligi ochilgan bo`lib, shu kungacha uni 20 nafar magistr tamomlab, uzluksiz ta`lim tizimining turli bo`g`inlarida mehnat qilish bilan birgalikda ilmiy izlanishlarini ham sifatli yuritmoqdalar. Shu kungacha yo`nalishni tamomlaganlardan 2 nafari professor, 10 nafari dotsent, 3 nafar Navoiy stipendiati va 10 nafardan ortig`i turli unvon egalari.

Kafedraning barcha a`zolari ilmiy, ilmiy-uslubiy faoliyat bilan mashg`ul. Kafedra dotsentlari: M.Maqsudov, A.To`raxo`jayeva, D.Jamoliddinova, Z.Isaqovlar doktorlik ishlari bilan shug`ullanmoqda; Y.Isaqova, D.Nizomiddinova, Sh.Qalandarovlarning ilmiy tadqiqot ishlari tugallangan bo`lib, ilmiy seminarga taqdim qilish arafasida. Kafedraning boshqa pedagog-xodimlari ham  O`zbekiston Respublikasi Til va adabiyot ilmiy tekshirish instituti professori Nizomiddin Mahmudov, Andijon DU professori D.Nabiyevalar rahbarligida ilmiy faoliyatlarini olib borishmoqda.

Kafedrada ona tili va matematika siklidagi fanlar o`qitilishi munosabati bilan kafedra pedagog-xodimlari tomonida keyingi 10 yillikda yaratilgan 2 ta monografiya, 20dan ortiq qo`llanma va ko`rsatmalar shu fanlarning ilmiy hamda ilmiy-uslubiy jihatdan rivojlantirishga yordam bermoqda. Ona tili fanidan A.To`raxo`jayeva, D.Jamoliddinova, Z.Isaqovlar tomonidan yaratilgan o`quv-uslubiy majmualar o`zining sifat darajasi bilan alohida ahamiyatga ega. Kafedra o`qituvchilari: Z.Isaqov, D.Jamoliddinova, A.To`raxo`jayeva, A.Marayimov, O`.Toshmatova, N.Ahmedovalar tomonidan tayyorlangan o`quv-uslubiy qo`llanmalar va maqolalar  boshlang`ich sinf o`qituvchilari uchun amaliy tavsiya sifatida o`z o`rniga ega.

Boshlang`ich ta`lim va sport-tarbiyaviy ish  yo`nalishida tahsil olayotgan talabalar 1-talabalar turar joyida istiqomat qilishadi. Kafedra o`qituvchilari u joyda grafik asosida navbatchilik qilishadi. Kafedrada yotoqxonada o`tkaziladigan kafedra haftaligi ishlab chiqilgan va navbatchilikda o`qituvchilar belgilangan mavzular bo`yicha davra suhbatlari va ko`ngilochar tadbirlar o`tkazib kelmoqdalar.