Fizika – matematika

Fakultet ma`muriyati

Xonboboyev Xakimjon Ikromjonovich

Dekan


Qabul vaqti: Dushanba-Shanba (15:00-17:00)
Telefon: (0 373) 542-53-77
Elektron pochta: őînboboyev@umail.uz

Sultonov Ravshanjon Rustamovich

O`quv ishlari bo`yicha dekan muovuni


Qabul vaqti: Dushanba-Juma (14:00-17:00)
Telefon: +99894-554-07-12
Elektron pochta: rsultonov@mail.ru

Maxkamov Xamidullo Qaxramonovich

O`quv ishlari bo`yicha dekan muovuni


Qabul vaqti: Dushanba-Shanba (14:00-16:00)
Telefon: +998905886065
Elektron pochta: maxkamov@mail.ru

Kamalov Azamatjon Farxodovich

Ma`naviy-ma`rifiy ishlar bo`yicha dekan muovuni


Qabul vaqti: Dushanba-Shanba (14:00-16:00)
Telefon: +998905675500
Elektron pochta: kamalov@mail.ru

Fizika-matematika fakultetiga 1931 yilda matematika fani o‘qituvchilarini tayyorlash guruxi sifatida asos solingan. Fakultetda 5110100 – matematika o‘qitish metodikasi, 5110200 – fizika va astronomiya o‘qitish metodikasi, 5110700 – informatika o‘qitish metodikasi ta’lim yo‘nalishlari mavjud bo‘lib, jami 960 nafar talabalar taxsil olmoqdalar. Ulardan 340 nafari grant, 620 nafari to‘lov-shartnoma asosida, 210 nafari o‘g‘il, 750 nafari qizlarni tashkil etadi.

Fakultet qoshida Matematika o‘qitish metodikasi, Informatika o‘qitish metodikasi, Fizika va astronomiya o‘qitish metodikasi kafedralari mavjud bo‘lib, bu kafedralarda 66 nafar pedagog – xodimlar pedagoglik faoliyati bilan shug‘ullanib yoshlarga   ta’lim – tarbiya bermoqdalar. Ulardan 1 nafari fan doktori, 16 nafari fan nomzodi, dotsentlar, 14 nafari katta o‘qituvchilar hamda 35 nafar o‘qituvchilardir. Ilmiy saloxiyat 26%ni tashkil etadi.

Fakultetda o‘quv jarayoni va o‘quv-uslubiy faoliyatni modernizatsiyalash xamda innovatsion ta’lim texnologiyalarini joriy etish maqsadida fakultetdagi barcha ta’lim yo‘nalishlari va mutaxassisliklar o‘quv rejalarida ko‘zda tutilgan barcha fanlar bo‘yicha o‘quv-uslubiy majmular yaratilib modul tizimiga joylashtirilgan hamda elektron ta’lim tizimi joriy etilgan. Shuningdek barcha kafedralar qoshida axborot-kommunikatsiya texnologiyalari bilan jixozlangan o‘quv xonalar tashkil etilgan va bu xonalarda professor-o‘qituvchilar tomonidan yangi pedagogik va axborot texnologiyalarini qo‘llab mashg‘ulotlar o‘tkazilishi yo‘lga qo‘yilgan.

Fakultetda iqtidorli yoshlarni qidirish, saralash va ular bilan ishlash jarayonlariga alohida e’tibor berilganligi natijasida har o‘quv yilida talabalar “Navoiy” nomli Davlat stipendiyalari sohiblari bo‘lmoqdalar.

Fakulttetning informatika o‘qitish metodikasi kafedrasi katta o‘qituvchisi Sh.Axmadaliev ERASMUSning “Oliy ta’lim muassasalarida valeologiya asoslarini o‘qitish” nomli loyihani bajarishda kichik ilmiy xodim vazifasida ishtirok etgan. Shu bilan birga ta’lim yo‘nalishiga ma’sul kafedra professor-o‘qituvchilari tomonidan darslik va o‘quv qo‘llanmalarning yangi avlodini yaratilish holati bo‘yicha istiqbol rejasi mavjud. Unga ko‘ra 19 ta ishni tayyorlash rejalashtirilgan. Rejadagi adabiyotlardan 7 tasi bajarilgan. Elektron shakldagi adabiyotlar va virtual laboratoriya, virtual stentlar yaratish rejasi mavjud. Ular bo‘yicha 6 ta virtual stentlar yaratilgan. 2015 yilda Umumiy pedagogika fanining “Ta’lim nazariyasi” bo‘limi bo‘yicha (DGU 03254), 2016 yilda Kompyuterning zamonaviy texnik va dasturiy ta’minoti fanining “Texnik ta’minot” bo‘limi bo‘yicha (DGU 03774), Umumiy pedagogika fanining “Tarbiya nazariyasi” bo‘limi bo‘yicha (DGU 03572), Kompyuterning zamonaviy texnik va dasturiy ta’minoti fanining “Dasturiy ta’minot” bo‘limi bo‘yicha (DGU 03589), 2017 yilda Umumiy pedagogika fanining “Pedagogika tarixi” bo‘limi bo‘yicha (DGU 04356), Kompyuter grafikasi va dizay fanidan “SorelDraw interfeysi” (DGU 04355) virtual stentlari yaratilgan.

Xozirda fakulttetning informatika o‘qitish metodikasi kafedrasida 2 ta maruza xonasi, 6 ta kompyuter xonasi mavjud. Ularda 63 ta kompyuter bor. Kompyuterlardan 33 tasi internet tarmog‘iga ulangan. Ulardan o‘quv jarayonidagi amaliy va laboratoriya mashg‘ulotlarini o‘tkazishda foydalanilmoqda. Shuningdek o‘quv  jarayoniga ta’lim yo‘nalish uchun zamonaviy AKTni joriy etish maqsadida 3 ta video proektor, ma’ruza mashg‘ulotlarini o‘tkazish uchun 1 ta elektron doska hizmat qiladi. Ularda amaliy-laboratoriya mashg‘ulotlari 100%, ma’ruza mashg‘ulotlarida 100% AKTni qo‘llab o‘tiladi. Zamonaviy pedagogik texnologiyalarni o‘quv jarayoniga tadbiq etish darajasi 72% ni tashkil etadi. Kafedrada o‘qitiladigan fanlarning 80%i yangilangan elektron o‘quv-uslubiy majmualar asosida mashg‘ulotlar tashkil etilgan.

Fakultetning fizika va astronomiya o‘qitish metodikasi kafedrasi 2017-2020 yillarga mo‘ljallangan OT-F2-66 –raqamli “Yarim o‘tkazgichlar va ularning nanostrukturalarida fotonli kinetik hodisalarni nazariy tadqiq etish” mavzusidagi fundamental tadqiqot loyihasining (asosiy ijrochi Farg‘ona davlat universiteti) hamijrochisi hisoblanadi. Kafedra o‘qituvchisi I.Eshboltaev ushbu loyiha doirasida bajargan “Uch va ikki o‘lchamli elektronlar sistemalarida ko‘p fotonli yutilish va siljishli fotogalvanik effektlarning nazariy tadqiqi” mavzusidagi falsafa fanlari doktori ilmiy darajasini olish uchun dissertatsiyasini himoya qildi. So‘nggi 3 yilda bir nafar professor-o‘qituvchiga to‘g‘ri keladigan ilmiy-tadqiqot hajmi 257620,7 so‘mni tashkil qiladi.

    Fakultetga joriy o‘quv yilida Rossiya Federatsiyasi Kamchatsk oblasti Petropavlovsk-Kamchatka shahridagi Vitus Bering nomidagi Kamchatka davlat universiteti bilan ilmiy hamkorlik shartnomasi tuzildi. Xorijiy ta’lim tajribalarini o‘rganish va almashish maqsadida Vitus Bering nomidagi Kamchatka davlat universiteti Fizika-matematika fakulteti dekani, f.m.f.n., dotsent Parovik Roman Ivanovich matematika o‘qitish metodikasi ta’lim yo‘nalishi talabalari uchun maxsus kurslar bo‘yicha   ma’ruzalar  o‘qidi. (2017 yil dekabr)

2018 yil 24-26 may oyi kunlarida akademik Sh.Q. Farmonov tomonidan matematika o‘qitish metodikasi kafedrasi professor-o‘qituvchilari va yo‘nalish talablari uchun uchrashuv va ilmiy seminarlar  tashkil etildi.

Fakultet uzoq yillar mobaynida Rossiya FA A.F.Ioffe nomidagi Fizika-texnika instituti (FTI) (fan nomzodlari M.Meliboev, N.Bozorov) hamda Xo‘jand davlat universiteti (Tojikiston Respublikasi) bilan samarali aloqalarni o‘rnatgan. Shu sababli A.F.Ioffe nomidagi FTI (Rossiya) ga o‘qituvchi A.Madalievni  doktoranturaga va talaba A.Abduxoliqovni magistraturaga yuborish rejalashtirilgan..

Fakultetning fizika va astronomiya o‘qitish metodikasi kafedrasi katta o‘qituvchisi I. Eshboltaev 27 mart kuni dissertatsiya ishini ilmiy seminardan o‘tkazdi va iyun oyida himoya qildi.  O‘qituvchi F.Dadaboevaning dissertatsiyasi ham yakunlanish arafasida. Kafedra talabasi F.Kamoliddinov 2017 yilgi fan olimpiadasining respublika bosqichida fizika fani bo‘yicha 4-o‘rinni egallagan.

1.      2014-2015 o‘quv yilida Fizika va astronomiya o‘qitish metodikasi ta’lim yo‘nalishi 402 gurux talabasi T.Bo‘riyev “Ulug‘bek” nomidagi Davlat stipendiati bo‘ldi.

2.      2015-2016 o‘quv yilida Informatika o‘qitish metodikasi kafedrasi professor-o‘qituvchilari Sh.Axmadaliev, Z.Marasulova, X.Xasanov va Informatika o‘qitish metodikasi ta’lim yo‘nalishi 3 kurs talabasi O‘.Jumanqo‘ziev tomonidan tayyorlangan ““Kompyuter grafikasi va veb-dizayn” fanining “CorelDraw interfeysi” bo‘limi bo‘yicha virtual stend” uchun  patent olindi, Matematika o‘qitish metodikasi ta’lim yo‘nalishi 401 gurux talabasi M.Sulaymonov “Ulug‘bek” nomidagi Davlat stipendiati bo‘ldi.

3.      2016-2017 o‘quv yilida Matematika o‘qitish metodikasi ta’lim yo‘nalishi 402 gurux talabasi G.Nosirova “Navoiy” nomidagi Davlat stipendiati bo‘ldi, Matematika o‘qitish metodikasi ta’lim yo‘nalishi 303-gurux talabasi T.G‘ofurov Respublika fan olimpiadasida faxrli 3-o‘rinni egalladi, Informatika o‘qitish metodikasi ta’lim yo‘nalishi 2 kurs talabasi D.Qodirova tomonidan Milliy universitet tomonidan tashkil qilingan “Startup” (talaba yoki magistrlar loyixasini qo‘llash markazi) ko‘rik tanlovida g‘olib bo‘ldi

2017-2018 o‘quv yilida Matematika o‘qitish metodikasi ta’lim yo‘nalishi 403 gurux talabasi T.G‘ofurov Matematika o‘qitish metodikasi bo‘yicha Respublika fan olimpiadasida faxrli 2-o‘rinni egalladi.

Fakultet kafedralari