Fizika matematika

Fakultet ma`muriyati

Xonboboyev Xakimjon Ikromjonovich

Dekan


Qabul vaqti: Dushanba-Shanba (15:00-17:00)
Telefon: +99893-481-02-02
Elektron pochta: nboboyev@umail.uz

Kamalov Azamatjon Farxodovich

Yoshlar bilan ishlash bo`yicha dekan o`rinbosari


Qabul vaqti: Dushanba-Shanba (14:00-16:00)
Telefon: +99890 5675500
Elektron pochta: kamalov@mail.ru

Maxkamov Xamidullo Qaxramonovich

O`quv ishlari bo`yicha dekan o`rinbosari


Qabul vaqti: Dushanba-Shanba (14:00-16:00)
Telefon: +99890 5886065
Elektron pochta: maxkamov@mail.ru

Sultonov Ravshanjon Rustamovich

O`quv ishlari bo`yicha dekan o`rinbosari


Qabul vaqti: Dushanba-Juma (14:00-17:00)
Telefon: +99894 554-07-12
Elektron pochta: rsultonov@mail.ru

Fizika-matematika fakultetiga 1931 yilda matematika fani o`qituvchilarini tayyorlash guruhi sifatida asos solingan. Fakultetda 5110100 Matematika o`qitish metodikasi, 5110200 Fizika va astronomiya o`qitish metodikasi, 5110700 Informatika o`qitish metodikasi ta`lim yo`nalishlari mavjud bo`lib, jami 1020 nafar talabalar tahsil olmoqdalar. Ulardan 310 nafari grant, 710 nafari to`lov-shartnoma asosida, 247 nafari o`g`il, 773 nafari qizlarni tashkil etadi.

Fakultet qoshida Matematika o`qitish metodikasi, Informatika o`qitish metodikasi, Fizika va astronomiya o`qitish metodikasi kafedralari mavjud bo`lib, bu kafedralarda 72 nafar pedagog-xodimlar pedagoglik faoliyati bilan shug`ullanib yoshlarga ta`lim-tarbiya bermoqdalar. Ulardan 1 nafari fan doktori, 18 nafari fan nomzodi, dotsentlar, 18 nafari katta o`qituvchilar hamda 35 nafari o`qituvchilardir. Ilmiy salohiyat 26%ni tashkil etadi.

Fakultetda o`quv jarayoni va o`quv-uslubiy faoliyatni modernizatsiyalash hamda innovatsion ta`lim texnologiyalarini joriy etish maqsadida fakultetdagi barcha ta`lim yo`nalishlari va mutaxassisliklar o`quv rejalarida ko`zda tutilgan barcha fanlar bo`yicha o`quv-uslubiy majmular yaratilib modul tizimiga joylashtirilgan hamda elektron ta`lim tizimi joriy etilgan. Shuningdek barcha kafedralar qoshida axborot-kommunikatsiya texnologiyalari bilan jihozlangan o`quv xonalar tashkil etilgan va bu xonalarda professor-o`qituvchilar tomonidan yangi pedagogik va axborot texnologiyalarini qo`llab mashg`ulotlar o`tkazilishi yo`lga qo`yilgan.

Fakultetda iqtidorli yoshlarni qidirish, saralash va ular bilan ishlash jarayonlariga alohida e`tibor berilganligi natijasida har o`quv yilida talabalar Navoiy nomli Davlat stipendiyalari sohiblari bo`lmoqdalar.

O`zbekiston Respublikasi Oliy va O`rta maaxsus ta`lim vazirligining 2018 yil 25 sentyabrdagi 2018-2019 o`quv yili uchun respublika oliy ta`lim muassasalari talabalariga O`zbekiston Respublikasi Davlat stipendiyalarini (Navoiy, Beruniy, Ulug`bek, Ibn Sino, Imom al-Buxoriy, Islom Karimov) tayinlash to`g`risidagi buyrug`iga asosan IO`M ta`lim yo`nalishi 4 bosqich 401 guruh talabasi Mamasoliyev Akmaljon Azizjon o`g`li Navoiy stipendiyasiga sazovor bo`ldi.

2019-2020 o`quv yilida Rossiya Federasiyasi, Rossiya kasb-hunar pedagogika universiteti bilan hamkorlikda Informatika o`qitish metodikasi ta`lim yo`nalishi bo`yicha qo`shma ta`lim dasturlari asosida bakalavrlarni tayyorlash bo`yicha to`lov-kontrakt asosida o`qish tashkil qilindi.

Fakultet professor-o`qituvchilari p.f.n, dotsent. A.Eminov, t.f.n., dotsent. X.Xonboboyev, katta o`qituvchi Sh.Axmadaliyev tomonidan ERASMUS dasturi doirasida RUECVET: () (ECVET) nomli loyiha bo`yicha faoliyat ko`rsatib kelmoqdalar.

Informatika o`qitish metodikasi kafedrasi professor-o`qituvchilari tomonidan 6 ta virtual stendlar yaratilgan. Umumiy pedagogika fanining Ta`lim nazariyasi bo`limi bo`yicha (DGU 03254), Kompyuterning zamonaviy texnik va dasturiy ta`minoti fanining Texnik ta`minot bo`limi bo`yicha (DGU 03774), Umumiy pedagogika fanining Tarbiya nazariyasi bo`limi bo`yicha (DGU 03572), Kompyuterning zamonaviy texnik va dasturiy ta`minoti fanining Dasturiy ta`minot bo`limi bo`yicha (DGU 03589), Umumiy pedagogika fanining Pedagogika tarixi bo`limi bo`yicha (DGU 04356), Kompyuter grafikasi va dizayn fanidan CorelDraw interfeysi (DGU 04355) virtual stentlari yaratilgan.

Fakultetning fizika va astronomiya o`qitish metodikasi kafedrasi 2017-2020 yillarga mo`ljallangan OT-F2-66raqamli Yarim o`tkazgichlar va ularning nanostrukturalarida fotonli kinetik hodisalarni nazariy tadqiq etish mavzusidagi fundamental tadqiqot loyihasining (asosiy ijrochi Farg`ona davlat universiteti) hamijrochisi hisoblanadi. Kafedra o`qituvchilari I.Eshboltayev ushbu loyiha doirasida bajargan Uch va ikki o`lchamli elektronlar sistemalarida ko`p fotonli yutilish va siljishli fotogalvanik effektlarning nazariy tadqiqi mavzusida, N.Mamadaliyeva O`rkachsimon zonali yarim o`tkazgichlarda o`lchamli kvantlashish va optik hodisalarning nazariy tadqiqi mavzusida falsafa fanlari doktori ilmiy darajasini olish uchun dissertatsiyasini himoya qildilar.

Fakultetining Informatika o`qitish metodikasi kafedrasi katta o`qituvchisi I.Rasulov Kompyuter  texnologiyasidan  ijodiy  foydalanish  asosida  talabalarda loyihalash  madaniyatini  rivojlantirish  (13.00.01Pedagogika  nazariyasi va  tarixi.  Ta`limda  menejment  ixtisosligi)  mavzusidagi  pedagogika fanlari  bo`yicha  falsafa  doktori  (PhD)  ilmiy  darajasini  muvaffaqiyatli himoya qildi. Dissertasiya natijalari Toshkent davlat pedagogika universiteti, Jizzax pedagogika instituti va Qo`qon davlat pedagogika instituti talabalarida  Informatika  va  axborot  texnologiyalari,  Kompyuter grafikasi  va  Web  dizayn  kurslarini  o`qitish  jarayonida  talabalarda loyihalash madaniyatini rivojlantirishga qo`llanildi.

Fakultetga xorijiy OTMlar bilan o`zaro hamkorlik ishlari ham yo`lga qo`yilgan. Jumladan, Matematika o`qitish metodikasi kafedrasi Rossiya Federatsiyasi Kamchatsk oblasti Petropavlovsk-Kamchatka shahridagi Vitus Bering nomidagi Kamchatka davlat universiteti bilan, Informatika o`qitish metodikasi kafedrasi Rossiya Federatsiyasi, Rossiya davlat kasb-hunar pedagogika universiteti bilan, Fizika va astronomiya o`qitish metodikasi kafedrasi Sankt Peterburg shahridagi A.F.Ioffe nomidagi fizika texnika instituti bilan  hamkorlik shartnomalari tuzilgan.

Fakultet kafedralari