Tabiiy fanlar

Fakultet ma`muriyati

Xo`jayev Vahobjon Umarovich

Dekan


Qabul vaqti: Dushanba (08:00-10:00)
Telefon: +99890-201-87-00
Elektron pochta: xujayev_030@mail.ru

Dehqonov Hasanboy Ubaydullayevich

Yoshlar bilan ishlash bo`yicha dekan o`rinbosari


Qabul vaqti: Dushanba-Juma (14:00-16:00)
Telefon: +99891-1421131
Elektron pochta: QDPI kamolot@inbox.ru

Sodiqov Murodjon Usmonaliyevich

O`quv ishlari bo`yicha dekan o`rinbosari


Qabul vaqti: Dushanba-Juma (14:00-15:00)
Telefon: +99891 2033854
Elektron pochta:

Qo‘qon Davlat pedagogika instituti Ilmiy kengashining 1998 yil 27 - martidagi qaroriga asosan institut rektorining 1998 yil 4 iyuldagi 56-U sonli buyrug‘i bilan “Ximiya-biologiya” hamda “Geografiya va iqtisodiy bilim asoslari” ta’lim yo‘nalishlari asosida “Ximbiologiya va geografiya” fakulteti tashkil etildi.

Qo‘qon davlat pedagogika institutida 2004 yilda o‘tkazilgan davlat attestatsiya va akkredatsiya komissiyasining xulosasiga ko‘ra fakultet nomi “Ximiya va biologiya” deb o‘zgartirildi.

O‘zbekiston Respublikasi Oliy va o‘rta maxsus ta’lim vazirligi tomonidan 2005 yilda tasdiqlangan institutning fakultet va kafedralar tuzilmasi va institut Ilmiy kengashining 2011 yil oktyabr oyidagi 2-sonli yig‘ishi qaroriga ko‘ra fakultet nomi “Tabiiyot va geografiya” deb o‘zgartirildi.

O‘zbekiston Respublikasi Xalq ta’limi vazirligining 2015 yil 28-fevraldagi “Xalq ta’limi vazirligi tasarrufidagi davlat pedagogika institutlarining tashkiliy tuzilmalarini tasdiqlash” to‘g‘risidagi 52-sonli buyrug‘iga asosan institut rektorining 2015 yil 18-martdagi 113-U sonli buyrug‘i bilan fakultetga “Tabiiy fanlar” nomi berildi.

Fakultetga 21 yil davomida V.Xo‘jayev (1998-2003 yy. va 2013 y. dan hozirgacha), M.Maqsudov (2003-2005 va 2010-2013 yy.), S.Meliboev (2005-2007yy.), S.Abdunazarov (2007-2010 yy.) lar rahbarlik qilgan.  O‘tgan davr ichida fakultetda kimyo va biologiya, kimyo, kimyo va ekologiya, kimyo o‘qitish metodikasi, biologiya va inson xayot faoliyati xavfsizligi, biologiya, biologiya o‘qitish metodikasi, geografiya va iqtisodiy bilim asoslari, geografiya xamda geografiya o‘qitish metodika ta’lim yo‘nalishlarida 3500 dan ortiq bakalavrlar tayyorlandi. Ulardan 14 nafari “Beruniy”, “Ulug‘bek” va “Navoiy” xamda “I.Karimov” nomidagi davlat stipendialari soxibi va soxibalari, 4 nafari Respublika fan olimpiadalari g‘oliblari bo‘ldi. 

2005 yildan buyon fakultet tasarrufidagi kimyo kafedrasida 5A140301-Kimyo, 5A140301-Analitik kimyo va 5A110301-Aniq va tabiiy fanlarni o‘qitish metodikasi kimyo mutaxasisligi bo‘yicha 30 dan ortiq magistrlar tayyorlandi. Ulardan 5 nafari nomzodlik dissertatsiyalarini ximoya qilishdi. 15 nafari   O‘zbekiston Respublikasi fanlar akademiyasiga qarashli O‘simlik moddalari kimyosi instituti, Umumiy va noorganik kimyo va Bioorganik kimyo institutlarida ilmiy tadqiqot ishlari olib bormoqda. Qolganlari FarDU, FarPI, NamDU va akademik litseylarda pedagogik faoliyat bilan shug‘ullanmoqda.

Bugungi kunda fakultetda 3ta kafedra faoliyat ko‘rsatmoqda. Ushbu kafedralarda jami 60 nafar professor-o‘qituvchilar faoliyat yuritmoqda, ulardan 2 nafari fan doktori, professor, 1 ta falsafa doktori va 17 ta fan nomzodlari dotsentlardir.

Hozirgi kunda fakultetning Kimyo o‘qitish metodikasi, Biologiya o‘qitish metodikasi, Geografiya o‘qitish metodikasi  ta’lim yo‘nalishlarida jami 740 ta talaba ta’lim va tarbiya olmoqda. Ulardan 208 nafari davlat granti, 532 nafari shartnoma asosida o‘qimoqda. 218 nafari o‘g‘il bolalar 522 nafari talaba qizlardir.

Fakultet tasarrufida Davlat ilmiy texnik dasturi doirasida ¹ I-OT-2019-21 “Tovar baliq chavoqlarini etishtirishda tabiiy ozuqa bazasi – plankton organizmlarni ko‘paytirish usullari va ularni amaliy axamiyati” mavzusida ilmiy innovatsion loyixa ish olib bormoqda

2020 yil uchun fakultetda 02.00.10 – Bioorganik kimyo va 02.00.09 – tovar kimyosi ixtisosliklari bo‘yicha tayanch doktoranturaga (PhD) doktorantlar qabul qilinmoqda.

Fakultet kafedralari