Qutlug‘ bayramlar, yaxshi kunlar arafasida atrof-muhitning ozoda va sarishtaligini ta’minlash xalqimizga xos bo‘lgan ezgu an’analardan biridir.
18-mart kuni Qo‘qon davlat pedagogika institutida ham ixtiyoriylik va o‘zaro uyushqoqlik asosida hashar o‘tkazildi. Institutning 200 nafarga yaqin ishchi-xodimlari ishtirokida 4 gektar yer maydonida obodonlashtirish ishlari amalga oshirildi. 61 ta mevali va manzarali daraxtlar ekildi, 4 mingdan ortiq daraxt va butalarga shakl berildi, oqlandi. 8 tonnaga yaqin maishiy va qurilish chiqindilari chiqarib tashlanib, 2 kilometrdan ziyod ariq va lotoklar tozalanadi.
O‘tkazilgan mazkur hashar QDPI xodimlarini yana bir bor o‘zaro uyushqoqlik va hamjihatlikka asoslangan jamoa sifatida namoyon etganligi bilan ahamiyatli bo‘ldi.
